|
||||||||||
Siënd in Mönster
Wüsses, wat de Siënd is, gärn? Gued, dann will´k di dat verkläörn.
Siënd is för fief Daage Welt: Kiärmiswagen, Bude, Telt, en grautmächtig Riesenrad, Achterbahn un Pommes satt.
Scooter, Piärdekarussell un Reklame, luut un hell, Scheeskes, äs se heit´t up platt, Ruupen, Schaukeln, Pommes satt.
Losverkaipers üöwerall un en Priesen, grell un hall, Geisterbahn in grööngiälswatt, Boxerbude, Pommes satt.
Luchtballons un Üörgelklang, Kinner grient, WC-Gestank, Ledder, Pann’ un Pott un Fatt, Kniewe, Küörwe, Pommes satt.
Türk´sken Hannig, Popcorn, Iis, Bloomen för den halwen Pries, Vüöranschuuwen Tratt üm Tratt, Riewekooken, Pommes satt.
Joppen, Müsken, Hiëmd un Schoh, Pornosprüeke för up´t Klo, Creme „So-wärd-Huut-wier-glatt“, Holsken, Krööse, Pommes satt.
Autopolitur „Glootnie“, Unnerwäöske „Dernier crie“. Stüörtendick fäöllt well up´t Gatt. Beer un Sluck un Pommes satt.
Bismarckhärink, Äöle auk. Van de Grills släött dick de Rauk. Tokuëmst uut den Automat. Nappo, Waffeln, Pommes satt.
Krach, Krijöhlen un Geschrei. Kiek äs! Dao is jä Polßei. Düt un dat, för alle wat, un natüürlick; Pommes satt.
Dat is Siënd. Glöffs mi nich, Mann? Kuemm doch söws un kiek di´t an!
Hannes Demming
|
||||||||||
Webdesign & Copyright © 2008 Sophia Demming Stand: 12. Oktober 2008 Kommentare zu dieser Website an: Hannes Demming |